44th Parl. 1st Sess.
December 2, 2021 10:00AM
- Dec/2/21 6:24:40 p.m.
- Watch
Mr. Speaker, I will be splitting my time with the member for Skeena—Bulkley Valley.
I will be delivering my speech in Inuktitut, so I encourage members to put their earpieces on.
[Member spoke in Inuktitut and provided the following text:]
ᐅᖃᖅᑎᑦᑎᔨ,
ᖁᕕᐊᓱᒃᐳᖓ ᐃᓅᓪᓗᖓ, ᓄᓇᕗᒻᒥᐅᑕᐅᓪᓗᖓ ᐅᕙᓃᒃᑲᒪ. ᒪᓕᒐᓕᐅᖅᑎᖅᔪᐊᖑᖃᑎᒐ Edmonton Griesbach ᒥ ᑭᒡᒐᖅᑐᐃᔪᖅ ᐅᖃᖅᑕᖓᓐᓂ ᐊᑐᖃᑕᐅᕗᖓᕙ. ᐊᒃᓱᕈᓇᖅᓯᒪᓂᑰᒧᑦᑕᐅᖅ. ᓯᕗᓪᓕᕐᒥ ᖁᕙᓕᕗᖓ ᐃᓚᓐᓂ, ᐊᑭᓕᖅᓱᖅᑕᐅᓇᓂ ᐃᑲᔪᖅᑎᓂᒃ, ᓄᓇᕗᒻᒥᐅᓂᑦ ᐊᒻᒪᓗ NDP ᒃᑯᓐᓂ ᐃᑲᔪᖅᑐᐃᔨᒪᓂᖏᓐᓄᑦ. ᖃᐅᔨᒪᕗᖓ ᐊᒥᓱᑦ ᑭᐅᓯᑦᑎᐊᒪᕆᑲᐅᑎᒋᔪᓐᓇᖏᒪᑕ ᑎᑎᕋᖅᑕᐅᓯᒪᔪᓂᒃ ᑯᐃᓐ ᑭᒡᒐᖅᑐᖅᑎᖓᑦᑕ ᐅᓂᒃᑲᐅᑎᓚᐅᖅᑕᖏᓐᓂ.
ᓄᓇᕗᑦ ᑲᔾᔮᕐᓇᖅᑐᐊᓗᒃ ᐊᖏᔪᐊᓘᓪᓗᓂᓗ. ᖃᐅᔨᒪᑦᑎᐊᖅᑐᖓ ᑐᓴᖅᑕᐅᒐᓱᖕᓂᕐᒥᒃ ᐱᕕᑭᑦᑑᓂᖓᓐᓂ. ᐊᒃᓱᕉᑎᖃᐃᓐᓇᕐᓂᐊᖅᐳᖓ ᐅᕙᓂ ᐃᒃᓴᕚᖅᐸᖕᓂᐊᖅᑎᓪᓗᖓ 44ᖑᔪᒥᒃ ᒪᓕᒐᓕᐅᕐᕕᔪᐊᖑᔪᓂᒃ, ᑐᓴᖅᑕᐅᒋᐊᓪᓚᖁᓪᓗᒋ ᓄᓇᖃᖄᖅᓯᒪᔪᑎᒍᑦ ᐊᒻᒪᓗ ᐅᐱᓐᓇᖅᑐᒻᒪᕆᐅᓂᖏᓐᓂ ᐅᖃᐅᓯᖃᐃᓐᓇᐅᔭᕐᓂᐊᖅᖢᖓ ᓄᓇᒋᔭᑦᑎᓐᓃᑦᑐᑦ ᓴᖏᓂᓕᐊᓘᓂᖏᓐᓂ.
ᐃᓄᐃᑦ, ᓄᓇᖃᖄᖅᓯᒪᔫᖃᑎᕗᓪᓗ ᐊᑯᓂᐊᓗᒃ ᓄᓇᖃᖄᖅᓯᒪᕗᒍᑦ. ᖃᐅᔨᒪᔭᐅᔪᑐᖃᑦ ᑕᐃᒪᖓᓂ ᐃᓕᓐᓂᐊᖅᑎᑕᐅᓯᒪᔪᑦ ᐃᓅᖃᑎᒥᓐᓄᒃ. ᐃᖃᐃᕗᖓ ᔮᓐ ᐊᒪᕈᐊᓕᒃ ᐅᖃᓚᐅᖅᓯᒪᔭᖓᓐᓂ ᐃᓄᐃᑦ ᐅᑭᐅᖅᑕᖅᑐᕐᒥᐅᑕᐅᖃᑎᒌᑦ ᑲᑎᒪᔨᖏᓐᓄᑦ, 1986ᒥᒃ. ᐅᖃᓚᐅᖅᐳᖅ “ 1947ᒥᒃ ᐃᓅᓚᐅᖅᐳᖓ ᐊᒻᒪᓗ ᐃᓅᓯᖃᖅᓯᒪᓕᖅᐳᖓ 1000ᓂᒃ ᐊᕐᕌᒍᓂᒃ”. ᐅᖃᖅᑎᓪᓗᒍ, ᓴᖅᑭᑦᑎᓚᐅᖅᐳᖅ ᐱᕕᔾᔪᐊᖑᓂᖓᓐᓂ ᖃᐅᔨᒪᔭᑐᖃᕐᓂᒃ ᑎᒍᒥᐊᕆᐊᖃᕐᓂᖅ ᐊᒻᒪᓗ ᑭᖑᕚᓄᑦ ᐃᓕᓐᓂᐊᖅᑏᓐᓇᕆᐊᖃᕐᓂᒥᒃ. ᑕᐃᓱᒪᓃᓐᓇᖅ ᐅᖃᓚᐅᕐᒥᔪᖅ ᓇᓗᓇᐃᕆᑦᑎᐊᒻᒪᕿᒃᖢᓂ ᐊᑎᖏᓐᓂ ᑭᓇᒃᑯ ᐃᓅᓯᕐᒥᓂᒃ ᑭᐱᓯᓚᐅᕐᒪᖔᑦᑕ. ᐃᓚᒋᔭᐅᓪᓗᓂ ᐊᑖᑕᒋᓚᐅᖅᑕᕋ.
ᐃᓅᓯᕋ, ᐊᐃᑦᑖᖑᒐᓗᐊᖅ, ᐊᔾᔨᐅᖏᒻᒪ. ᐊᒥᓲᓗᐊᖅᑐᑦ, ᓄᓇᖃᖅᖄᖅᓯᒪᔪᑦ ᑕᐃᒫᑦᑎᐊᖅ ᐅᓂᒃᑲᐅᑎᖃᕐᒥᔪᑦ. ᐃᓕᖅᑯᓯᖅᐳᑦ ᐊᓯᐅᑎᑕᐅᒐᓱᐃᓐᓇᖅᓯᒪᔪᖅᓱᓕ. ᐅᓂᒃᑲᐅᑎᕗᑦ, ᐊᒃᓱᕈᓇᖅᑐᒃᑰᔪᐊᖅᑎᑕᐅᓯᒪᓂᖅ, ᑕᐃᓱᒪᓂᑐᖃᐅᖏᑦᑐᖅ. ᒫᓐᓇᒧᓱᓕ ᐱᓂᖅᓗᒃᑕᐅᓯᒪᖃᑦᑕᒻᒪᕆᒃᐳᒍᓱᓕ.
ᑕᐅᑐᖑᐊᖁᕙᓯ. ᐅᕙᓂ ᖃᐅᑕᒫᖅ ᐃᒃᓯᕚᖃᑦᑕᖅᑎᓪᓗᓯ, ᓈᓚᒃᑎᑕᐅᖏᓐᓇᐅᔭᖅᓗᓯ ᐅᕙᓐᓂᒃ ᐃᓄᒃᑎᑐᐃᓐᓇᑦᑎᐊᖅ ᐊᒻᒪᓗ ᐃᓕᓐᓂᐊᖅᑎᑕᐅᖏᓐᓇᐅᔭᖅᓗᓯ ᐃᓄᒃᑎᑐᐃᓐᓇᑦᑎᐊᖅ. ᑐᓵᔨᖃᕐᓇᓯ, ᑐᓵᔾᔪᑎᖃᕐᓇᓯ, ᕿᔪᐊᕐᔪᕋᓛᑐᐊᖅ. ᖃᓪᓗᓈᑎᑐᑦ ᐅᐃᕖᑎᑐᓪᓘᓐᓃ ᐅᖃᕐᓂᕈᕕᑦ ᓱᑰᕐᓗᒋᑦ. ᑕᐃᒫᒃ ᓄᓇᖃᖅᑳᖅᓯᒪᔫᔪᑎᒍᑦ ᐊᑐᖅᑎᑕᐅᓯᒪᔪᒍᑦ ᐃᓕᓐᓂᐊᕆᐊᖅᑎᑕᐅᓂᑯᑦ. ᑭᖑᓪᓂᖅᐹᖅ ᑕᐃᒪᓐᓇᐃᑦᑐᖅ ᐃᓕᓐᓂᐊᖅᕕᒃ ᒪᑐᓚᐅᖅᓯᒪᔪᖅ 1996ᒥᒃ. ᑕᐃᓱᒪᓂᑐᖃᐅᖏᑦᑐᖅ. ᐊᒥᓲᓗᐊᖅᑐᓱᓕ ᓄᓇᖃᖅᑳᖅᓯᒪᔪᑦ ᐊᒃᑐᖅᑕᐅᓯᒪᔪᓱᓕ ᐃᓕᓐᓂᐊᕆᐊᖅᑎᑕᐅᓚᐅᖅᓯᒪᓂᑯᓂᒃ ᑭᖑᕚᕆᔭᐅᔪᑦ ᐊᒃᓱᕈᕐᓇᖅᑐᒃᑰᖅᑐᓱᓕ. ᒐᕙᒪᑐᖃᐅᖏᑦᑐᑦ, ᐊᓯᐅᓯᒪᖏᑦᑐᑦ. ᐱᕕᖃᖅᐳᒍ ᒪᓕᒐᓕᐅᖅᑎᕐᔪᐊᖑᑎᓪᓗᑕ ᑎᓕᐅᕆᔪᓐᓇᖅᑐᒍᑦ ᒐᕙᒪᒃᑯᓐᓂᒃ ᐃᑲᔪᖁᔨᑦᑎᐊᒃᑲᓐᓂᖁᓪᓗᒋᑦ. ᐋᕿᒃᓯᒋᐊᖁᔨᓪᓗᑕ. ᓄᓇᖃᖅᑳᖅᓯᒪᔫᔪᑎᒍᑦ ᐱᔪᓐᓇᐅᑎᖏᑦ ᓴᐳᓐᓂᐊᕐᓗᒋᑦ.
ᑕᒪᓐᓇ ᐃᔨᖅᓯᓯᒪᒐᓱᖕᓂᖅ ᑎᑭᐅᑎᓯᒪᔪᖅ ᐊᒥᓲᓗᐊᖅᑐᖅ ᓄᓇᖃᖅᑳᖅᓯᒪᔪᑦ ᓵᓚᐅᓯᒪᔪᑦ ᐅᐃᕆᓐᓇᖅᑐᓂᒃ ᐊᒻᒪᓗ ᐊᒥᓲᓗᐊᖅᑐᑦ ᐃᓅᓯᕐᒥᓂᒃ ᑭᐱᓯᔪᑦ. ᑕᒪᒃᑯᐊ ᐊᒥᓲᓗᐊᕐᓂᖏᑦ ᑐᓴᐅᒪᓪᓗᒋᑦ ᐱᔾᔪᑎᒋᕙᒃᑲ ᑭᐅᔭᕿᐊᖃᕐᓂᒃᓂᒃ ᑎᑎᕋᖅᑕᐅᓯᒪᔪᓂᒃ ᑯᐃᓐ ᑭᒡᒐᖅᑐᖅᑎᖓᑦᑕ ᐊᒃᓱᕉᑎᒋᓗᒋᑦ.
ᑕᐃᒪᖓᓂ ᑲᓇᑕ ᐱᓕᕆᖃᑎᖃᑦᑎᐊᖅᓯᒪᖏᓚᑦ ᐃᓄᖕᓂ ᐊᒻᒪᓗ ᓄᓇᖃᖅᑳᓯᒪᔪᓂᒃ. ᐃᓅᓯᖃᖅᐳᒍ ᓄᖑᑎᕆᔭᐅᒐᓱᓚᐅᕐᓂᕐᒥᒃ ᐊᒻᒪᓗ ᓄᓇᖃᖄᖅᓯᒪᔫᓚᐅᖅᑐᑦ ᐃᓅᒐᓱᐊᕈᑎᒋᓚᐅᖅᑕᑦᑎᓐᓂᒃ. ᐊᒥᓱᑦ ᓄᓇᓕᕋᓛᕐᓅᖅᑎᑕᐅᓚᐅᖅᐳᑦ ᐱᔪᒪᓵᕈᑕᐅᓪᓗᑎᒃ ᐃᖅᑲᓇᐃᔮᑦᑎᐊᕙᓐᓂ ᐊᒻᒪᓗ ᐊᑦᑕᓇᖅᑐᒦᖏᓐᓂᖅᓴᐅᓂᐊᓂᒥᒃ, ᐅᕙᓘᓐᓃ ᐱᓂᕐᓗᒃᑕᐅᓛᖏᓐᓂᖏᓐᓂ. ᐊᒥᓱᑦ ᐊᓚᒌᒃᑐᑦ ᐊᕕᒃᑐᖅᑕᐅᓚᐅᖅᐳᑦ, ᕿᒻᒥᖏᑦ ᑐᖁᕋᖅᑕᐅᓚᐅᖅᑐᑦ ᐊᒻᒪᓗ ᐃᓅᓯᖏᑦ ᐊᓯᔾᔨᖅᑕᐅᒻᒪᕆᓚᐅᖅᐳᑦ.
ᒫᓐᓇᐅᔪᖅ ᐃᓐᓇᐃᑦ ᐆᒪᔪᑦ ᐅᓂᒃᑲᐅᑎᔪᓐᓇᖅᑐᑦ ᐊᑐᓚᐅᖅᑕᕐᒥᓐᓂᒃ. ᐊᐃᑦᑕᓪᓛᓗᖔ, ᐊᒥᓱᑦ ᐊᑐᖅᑕᐅᕙᓚᐅᖅᑐᑦ ᑲᔪᓯᒪᓂᖃᕐᒪᑕ, ᐅᓪᓗᒥᒧᑦ.
ᑐᓴᐅᒪᑎᑕᐅᖏᓐᓇᐅᔭᖅᐳᖓ ᐋᓐᓂᐊᕈᑕᐅᓯᒪᔪᓂᒃ ᑭᓯᐊᓐᓂᑕᐅᖅ ᓂᕆᐅᒃᑐᓂᒃ ᓯᕗᓂᒃᓴᑦᑎᐊᕙᓐᓂᒃ. ᐊᐃᑦᑖᖑᒐᓗᐊᖅ ᐊᒥᓱᑦ ᐊᔪᖅᓴᖅᑐᒦᑦᑎᑕᐅᖏᓐᓇᖅᑎᓪᓗᒋ ᓴᐱᕐᓇᑲᓴᒃᑐᖅ ᓇᓕᒧᔪᒥᒃ ᑮᓇᐅᔾᔭᒃᓴᓂᐊᓂᒥᒃ. ᓄᓇᕗᒻᒥᐅᑦ ᑐᑭᓯᑦᑎᐊᖅᑐᑦ ᐊᒥᓱᓂᒃ ᐱᑕᖃᐅᕋᓗᐊᕐᓂᖏᓐᓂ ᓄᓇᓖᑦ ᐱᕕᖃᕈᓐᓇᓂᖏᓐᓂ ᓯᕗᓂᒃᓴᑎᐊᕙᒥ ᑭᖑᕚᒋᔭᒃᓴᓐᓄᑦ ᐸᕐᓇᐃᑦᑎᐊᕈᓐᓇᓂᒥᒃ.
ᐃᒡᓗᑭᒃᓴᓗᐊᕐᓂᖅ ᐊᒻᒪᓗ ᐅᖁᖅᑐᒦᑦᑐ ᑐᖓᕕᐊᓪᓚᕆᒪᑕ ᐊᒃᓱᕈᓇᖅᑐᒃᑰᕈᑕᐅᓪᓗᑎᒃ. ᐃᓚᒌᒃ ᐃᒡᓗᖃᖅᑎᑕᐅᔪᑦ ᓈᒪᖏᒻᒪᕆᒃᑐᓂ, ᖃᓂᒻᒪᑖᕈᑎᓕᒻᒦᑐᓂᒃ, ᐃᓐᓇᐃᑦ ᑲᙳᓇᖅᑐᒃᑰᑎᑕᐅᓪᓗᑎᒃ ᐊᒻᒪᓗ ᐊᕐᓇᐃᑦ ᑭᒃᑯᑐᐃᓐᓇᐃᓪᓗ ᐊᑦᑕᓇᖅᑐᒦᑎᑕᐅᖏᓐᓇᖅᖢᑎᒃ.
ᑲᓇᑕ, ᑮᓇᐅᔭᓕᐊᓘᑎᓪᓗᒍ, ᐃᒡᓗᓕᕆᓂᒨᖅᑎᐊᖅᑎᑦᑎᖏᓐᓂᖏᑦ ᐅᔾᔨᕐᓇᕈᑕᐅᕗᖅ ᐃᒃᐱᓐᓂᐊᕆᑦᑎᐊᖏᒻᒪᑕ ᑳᓇᑕ, ᖃᓄᐃᓯᒪᐃᓐᓇᕐᓂᖏᓐᓂ. ᐅᖃᕈᒪᒋᓪᓗᖓ ᐃᓄᐃᑦ ᓴᖏᓂᓕᐊᓘᒪᑕ ᐊᒻᒪᓗ ᐱᓕᕆᖃᑎᖃᕈᓐᓇᑎᐊᖅᖢᑎᒃ ᐊᒻᒪᓗ ᐱᓕᕆᖃᑎᖃᓚᐅᕐᓂᖏᓐᓂ ᒐᕙᒪᐅᔪᒥᒃ ᓴᖅᑭᑦᑎᓪᓗᑎᑦ ᑕᑯᔭᐅᓚᐅᖅᓯᒪᖏᑦᑐᓂᑦ ᐊᖏᑎᒋᔪᓂᒃ ᑐᕌᖓᔪᓄᑦ ᐃᒡᓗᓕᕆᓂᕐᒧᑦ ᐊᒻᒪᓗ ᐱᖁᑎᕐᔪᐊᓄᑦ ᐃᓄᐃᑦ ᓄᓇᖏᓐᓂ. ᑭᓯᐊᓂ ᐊᙳᒻᒪᑎᑦᑎᓪᓚᑦᑖᕐᓂᐊᕈᑎ ᐃᓄᖕᓂ ᐱᓗᐊᖅᑐᒥᒃ ᐃᓗᓕᕆᓂᖅ ᐊᒻᒪᓗ ᐱᖁᑎᕐᔪᐊᕐᓂᒃ ᐱᑕᖃᐃᓐᓇᕆᐊᖃᕐᓂᐊᖅᐳᖅ ᐸᕐᓇᐃᓯᒪᐃᓐᓇᖅᑐᓂᑦ ᑕᐃᒪᖓᓂ ᐃᒡᓗᓕᕆᔾᔪᑎᓂᒃ ᓇᓕᒧᔪᓂᒃ ᐊᖏᔪᕐᔪᐊᓂᒃ ᑲᓇᑖᕋᓱᐊᓂᐅᓚᐅᖅᑐᓂᒃ ᑕᐃᒪᖓᓂ. ᐊᕕᒃᑐᖅᓯᒪᔫᔪᒍᑦ ᐊᑕᐅᓯᐅᖃᑎᒌᒋᐊᖃᕐᓂᐊᖅᐳᒍ ᐊᒻᒪᓗ ᐋᕿᒃᓱᐃᑦᑎᐊᓪᓚᑖᖅᓗᑕ ᐊᑯᓂᐅᔪᒃᓴᕐᒥᒃ ᑮᓇᐅᔭᕐᔪᐊᓂᒃ ᐱᒋᐊᕐᓗᒍ 2022 ᐊᑐᕐᑕᐅᔪᒃᓴᐅᓛᖅᑐᓂᒃ.
ᓄᓇᕗᑦ, ᓄᓇᖃᖄᖅᓯᒪᔪᑦ ᓄᓇᓖᑦ ᑐᐊᕕᕐᓇᖅᑐᒦᖏᓐᓇᖅᐳᑦ ᐃᒥᑦᑎᐊᕙᓕᕆᓂᐅᑉ ᒥᒃᓵᓄᑦ. ᐃᖃᓗᐃᑦ ᐃᒥᑦᑎᐊᕙᖃᕈᓐᓃᓚᐅᕐᓂᖓ ᖁᒃᓴᓪᓚᕈᑕᐅᓚᐅᖅᐳᖅ ᑲᓇᑕᓕᒫᕐᒥᒃ. ᐊᒥᓱᑦ ᐅᒃᐱᕈᓱᓚᐅᖏᑦᑐᑦ ᑕᐃᒪᓐᓇᐃᑦᑐᓐᓇᓂᖓᓐᓂ ᓄᓇᓕᐸᐅᔭᕐᒥᒃ ᒐᕙᒪᒃᑯᓐᓄ ᐃᓂᒋᓪᓗᐊᑕᖅᑕᖓᓐᓂ.
ᖁᔭᓕᒍᒪᕙᒃᑲ ᐃᖃᓗᒥᐅᑕᐃᑦ ᑕᐃᒪᖓᓐ ᐊᒃᑑᐸᒥᒃ ᐱᒋᐊᓚᐅᖅᑎᓪᓗᒍ ᑲᑐᔾᔨᖃᑎᒌᑦᑎᐊᓕᓚᐅᒪᑕ. ᐊᒥᓲᓗᐊᖅᑐᑦ ᓄᓇᖃᖅᑳᖅᓯᒪᔪᑦ ᐊᑯᓂᐅᓗᐊᖅᑐᑦ ᐃᒥᑦᑎᐊᕙᐅᓪᓗᐊᖅᑐᓂᑦ ᑐᐊᕕᓇᑐᒃᑰᑎᑕᐅᓯᒪᔪᑦ. ᓲᕐᓗ ᒥᑦᑎᒪᑕᓕᒃ, ᓴᓂᑭᓗᐊᖅ, ᑲᖏᖅᑐᒑᐱᒃ, ᐃᒡᓗᓕᒃ ᐊᒻᒪᓗ ᑎᑭᕐᕋᔪᐊᖅ, ᐊᕐᕌᒍᒋᔭᑦᑎᓂ. ᑕᒪᒃᑯᐊ ᓄᓇᕗᒥᑐᐃᓐᓇᐅᔪᑦ. ᐊᒥᓱᒪᕆᐊᓗᐃᑦ ᐃᒻᒥᑎᐊᕙᖃᖏᑦᑐᑦ ᓄᓇᖃᖅᑳᖅᓯᒪᔪᒦᑦᑐᑦ, ᑕᐃᒫᑎᒋᑦᑎᐊᖅ ᑐᐊᕕᕐᓇᖅᑐᒃᑰᑎᑕᐅᓯᒪᐃᓐᓇᖅᑐᑦ.
ᒐᕙᒪᑐᖃᒃᑯᑦ ᐅᖃᐃᓐᓇᓂᐊᒥᔪᑦ ᐱᓇᓱᐊᒪᑕᒎᖅ, ᑭᓯᐊᓂ ᐃᒪᐃᒻᒪ. Liberalᑯ ᓱᕋᐃᓯᒪᔪᑦ ᐊᑐᓂᐊᓂᕋᓚᐅᖅᑕᖏᓐᓂ ᓄᓇᓕᓕᒫᑦ ᐱᖃᓂᐊᓂᕋᖅᑕᐅᓚᐅᖅᑎᓪᓗᒋ ᐃᒥᑦᑎᐊᕙᓂ. ᓱᕋᐃᖏᓐᓇᓗᐊᒪᑕ ᐊᒻᒪᓗ ᐅᔾᔨᕈᓱᑦᑎᐊᒃᑲᓐᓂᖅᐸᑕ ᑭᓯᐊᓂ ᑕᒪᓐᓇ ᐱᔪᓐᓇᐅᑎᐅᓂᖓᓐᓂ, ᐃᑲᔪᐊᓂᒃᓯᒪᔾᔭᖏᓚᑦ ᓄᓇᓕᖕᓂ.
ᒐᕙᒪᑐᖃᒃᑯᑦ ᐱᓕᕆᖃᑎᖃᕆᐊᖃᓂᖏᓐᓂ ᓄᓇᖃᖅᑳᓯᒪᔪᓂᒃ ᐊᔾᔨᐅᖏᓚᖅ. ᐊᒥᓲᓗᐊᕐᖢᑎᒃ ᐃᓚᐅᑎᑕᐅᖏᑦᑐᑦ ᐊᒃᑐᐊᓂᖃᕐᓂᐊᖅᑎᓪᓗᒋ ᓄᓇᖃᖅᑳᓯᒪᔪᓂᒃ. ᐃᒃᐱᖕᓂᐊᕆᓪᓚᑖᖅᐳᖓ ᓯᕗᓂᒃᓴᖃᑦᑎᐊᕈᓐᓇᓂᖅᓴᐅᒐᑦᑕ ᓈᒪᒃᓴᖃᑎᒌᓕᕐᒧᑦ. ᒫᓐᓇᐅᔪᖅ, ᐱᕕᖃᕈᓐᓇᖅᐳᒍ ᐃᓕᑕᖅᓯᓂᖅᒥᒃ ᓄᓇᖃᖅᑳᖅᓯᒪᔫᔪᒍᑦ ᒪᓕᒐᖁᑎᖃᕐᓂᑦᑎᓐᓂᒃ ᐊᒻᒪᓗ ᖃᓄᖅᑑᕈᓐᓇᓂᒥᒃ ᐊᑐᓕᒃᑲᓐᓂᖁᓂᕐᒧᑦ, ᒪᓕᒐᓕᐅᖅᑎᖅᔪᐊᖑᑎᓪᓗᑕ.
ᐅᖃᖅᑎᑦᑎᔨ, ᐱᒻᒪᕆᐅᔪᑦ ᐅᖃᐅᓯᕆᔭᕐᒪ ᐅᖓᑖᒍ ᐱᑕᖃᐅᒥᔪᖅ. ᓯᕗᓂᒃᓴᕐᒥᒃ ᐅᖃᐅᓯᕆᒃᑲᓐᓂᓛᖅᑕᒃᑲ ᓲᕐᓗ, ᓂᕿᖃᑦᑎᐊᖏᑦᑐᑦ, ᐊᓯᔾᔨᕆᐊᖃᓂᖓ ᐃᑲᔪᕈᑕᐅᓲᑦ ᓂᐅᕕᕐᕕᖕᓄᑦ ᐊᑭᑭᓪᓕᒋᐊᖅᑎᑎᔾᔪᑎᓂᒃ ᓂᕿᓂᒃ, ᐃᑲᔪᖅᑐᐃᓂᑦ ᐊᖑᓇᓱᑦᑎᓂᒃ, ᒥᖅᓱᖅᑎᓂᒃ, ᓴᓇᖑᐊᖅᑎᓂᑦ, ᑎᑎᕋᐅᔭᖅᑎᓂᒃ, ᐃᖕᖏᖅᑎᓂᒃ ᐊᒻᒪᓗ ᐅᓇᑕᐅᑎᓗᒋᑦ ᖃᓂᒪᓐᓇᕈᑏ, ᓲᕐᓗ ᐳᕙᓪᓗᓂᖅ.
ᐊᔭᐅᖅᑐᐃᔨᒻᒪᕆᒋᔭᐅᑎᓪᓗᖓ ᓄᓇᖃᖅᑳᖅᓯᒪᔪᓕᕆᔾᔪᑎᓂᒃ ᐊᒻᒪᓗ ᑯᐃᓐ ᑭᒡᒐᖅᑐᖅᑎᖏᑦᑕ ᐊᒻᒪᓗ ᓄᓇᖃᖅᖄᓯᒪᔪᓕᕆᔨᒃᑯᓐᓄᑦ, ᐊᔭᐅᖅᑐᖅᓗᒋᑦ ᒐᕙᒪᑐᖃᒃᑯᑦ ᐊᑐᓕᖁᓪᓗᒋ ᐱᖁᔨᕗᖔᕈᑎᓕᐅᖅᑕᐅᓚᐅᖅᑐᑦ ᐊᕐᓇᐃᑦ ᑐᖁᑕᐅᔪᕕᓃᑦ ᐊᓯᐅᓯᒪᔪᕕᓃᑦ ᐊᒻᒪᓗ ᑭᓪᓕᓯᓂᐊᖅᑏᑦ ᓈᒻᒪᖃᒃᓯᖃᑎᒌᖁᓕᕐᓂᒧᑦ ᓴᖅᑭᑕᐅᓚᐅᖅᑐᑦ ᐊᑐᓕᖁᔭᐅᔪᕕᓃᑦ. ᓄᖅᑲᖅᑎᑦᑎᖁᔨᓂᖅ ᐸᓯᔭᒃᓴᖑᖅᑎᑕᐅᓚᐅᖅᑐᑦ ᐃᖅᑲᖅᑐᐃᕕᒃᑯᑎᒍ ᓄᓇᖃᖅᑳᖅᓯᒪᔪᑦ ᓇᓕᒧᑎᑕᐅᓯᒪᖏᓐᓂᒃᑯᑦ, Wet’suwet’en ᒃᑯᑦ ᐊᕐᓇᖏᑦ, ᐃᓐᓇᖏᑦ ᐊᒻᒪᓗ ᓄᓇᒥᓐᓂ ᓴᐳᔾᔨᓇᓱᒃᑐᑦ ᐊᒻᒪᓗ ᒪᒥᓴᕆᐊᖃᕐᐸᓪᓕᐊᓂᒥᒃ ᐃᓕᓐᓂᐊᕆᐊᖅᑎᑕᐅᓯᒪᓂᒃᑯᑦ, ᐱᒻᒪᕆᐅᖏᓐᓇᕆᐊᖃᓂᖏᓐᓂ. ᐊᒃᓱᕉᑎᖃᓂᐊᐳᖓ 1960ᖏᓐᓂ ᑎᒍᐊᖅᑕᐅᖃᑦᑕᓂᑯᑦ ᐊᒻᒪᓗ ᐳᕙᓗᓂᒧᑦ ᐊᐅᓪᓚᖅᑎᑕᐅᕙᓂᑯᑦ ᐊᒻᒪᓗ ᐱᓗᐊᕐᖢᒋᑦ ᐃᓗᕖᑦ ᓇᓂᔭᐅᕙᓪᓕᐊᖏᓐᓇᖅᑐᑦ ᐃᓕᓐᓂᐊᕕᕕᓂᕐᓂᒃ ᐱᒻᒪᕆᐅᖏᓐᓇᖅᑎᓪᓗᒋ 44ᖑᔪᒥᒃ ᒪᓕᒐᓕᐅᕕᔪᐊᒥᒃ.
ᒐᕙᒪᑐᖃᒃᑯᑦ ᐅᖃᖅᓯᒪᓕᖅᑐᑦ ᑲᓇᑕ ᖃᓄᐃᕐᓗᓂᕆᓚᐅᖅᑕᖏᓐᓂ ᓄᓇᖃᖅᑳᖅᓯᒪᔪᓂᒃ ᐊᒃᑐᐊᓂᖃᐃᓐᓇᓂᖏᓐᓂ. ᒪᒥᐊᑦᑐᒦᑐᐃᓐᓇᕈᓐᓃᖅᑕ ᑐᕌᖓᓚᐅᖅᒥᑕ ᓄᑖᕐᒥᒃ ᐱᓕᕆᖃᑎᒌᑦᑎᐊᓂᒥᒃ ᐃᓄᖕᓂ ᓄᓇᖃᖄᖅᓯᒪᔪᓂᒃᓗ. ᓴᖅᑭᔮᖅᑎᑦᑎᓚᐅᕆᓯᑐᖅ ᓈᒪᖃᑎᒌᑦᑎᐊᓕᕐᓂᒧᖅ ᐊᑐᓕᖅᑎᑦᑎᒪᕆᓗᓯ ᓲᕐᓗ ᒪᓕᒐᕐᔪᐊᕐᒥᒃ ᓄᓇᖃᖅᑳᖅᓯᒪᔪᑦ ᐱᔪᓐᓇᐅᑎᖏᓐᓂ ᓴᖅᑭᑕᐅᓯᒪᔪᓂᒃ ᓯᓚᕐᔪᐊᕐᒥᒃ ᑎᒥᐅᔪᓄᑦ.
ᖁᔭᓐᓇᒦᒃ ᐅᖃᖅᑎᑦᑎᔨ
[Inuktitut text interpreted as follows:]
Mr. Speaker, I am pleased to stand here today, an Inuk from Nunavut. Like my colleague, the member for Edmonton Griesbach, said, I am here following extraordinary circumstances. I first thank my family, volunteers, Nunavummiut and the NDP for supporting me to be here. It is a privilege to have the opportunity to respond to the throne speech.
Nunavut is a beautiful territory that spans millions of kilometres. I know the challenge of being here and of being heard. I am committed to ensuring that, with my seat in this 44th Parliament, Nunavummiut, first nations, Métis and Inuit are heard and are touted for the strength that exists in our communities.
All indigenous people, Inuit, first nations and Métis have been here on these lands since time immemorial. The knowledge passed from generation to generation still exists in the first peoples. I remember and am reminded of John Amagoalik when he spoke to the Inuit Circumpolar Council in 1986. He said, “I was born in 1947, but I have lived a thousand years.” At that time, he was only 39 years old. In that statement, he showed the burden of holding knowledge and the need to pass it on for the future generations.
Within that same speech, John Amagoalik named a few people who were known to have died by suicide, including my father. My life, unfortunately, is not a unique story. There are too many Inuit, first nations and Métis who share my story. Our stories of tragedy, of injustice, are not just history; we are still facing colonial acts of violence to this day.
Imagine, sitting here every day, being forced to listen to me speak and me teaching those people here only in Inuktitut with no interpreter services, no devices, only a yardstick. Imagine me hitting members' hands with that yardstick each time I heard them speak English or French. This was the reality of first nations, Métis and Inuit in residential schools. It hurts us. We suffered a lot, going through the residential school system. The last residential school closed in 1996. That history is not long gone. It is still present today. Many first nations, Métis and Inuit still suffer from the intergenerational trauma imposed upon us by governments.
Those governments are not long gone either, but now we have an opportunity as parliamentarians to instruct the federal government to do better, to ensure justice, to uphold indigenous rights.
The attempt to hide this colonial history has driven far too many first nations, Métis and Inuit to addictions and too many, ultimately, to suicide. It is all of those too frequent stories of colonial violence that drive me to respond to the Speech from the Throne very critically. I wish to address it that way as an indigenous person.
Canada's relationship with Inuit and indigenous peoples has been very fractured right from the beginning. We are still living through the realities of systematic government action that sought to destroy Inuit identity and our way of life and those of other indigenous peoples in Canada. The Inuit were forced into permanent settlements with the promise of jobs, housing, safety and education for children. Some were threatened with violence to move. Families were separated, sled dogs were killed and a way of life was irreversibly altered.
Many elders are still alive today to recount those horrific events and, shamefully, many of those decisions that led to the violence and colonization of Inuit during that time are still being perpetuated to this very day.
I often hear countless stories of heartbreak and hope. All too often, being in poverty prevents many from hopes of achieving a socio-economic status equal to that of Canadians across this country. Nunavummiut understand that there are incredible opportunities to make our communities stronger and a better place for the next generation.
Overcrowded and mouldy homes are at the heart of too many of the challenges we face. Families are forced to live in unsuitable conditions, communicable diseases spread, elders are put into humiliating positions and gender-diverse individuals are forced to stay in dangerous positions.
In a country as rich as Canada, we have traditional knowledge and custom knowledge.
I would like to take the opportunity to work with members to look at our traditional, legal knowledge and philosophy of life, so that we can work together to solve our problems. If we are going to work together, then we need to approve the declaration of the indigenous people.
I will shorten my speech as per your request.
4916 words
All Topics
- Hear!
- Rabble!
- add
- star_border
- share
- Dec/2/21 6:35:07 p.m.
- Watch
[Member spoke in Inuktitut, interpreted as follows:]
Mr. Speaker, I wish to thank the member who just spoke. He and I met and he understands the situation. I know I can work very well with him. As I represent the NDP, I plan to work with all parties to better our lives and our people's lives. I plan to work with ministers as well.
I also met with Inuit Tapiriit Kanatami today. They met with the member also. I understand that he is working with the Inuit national organization, Inuit Tapiriit Kanatami, of Canada, as they stated to me today. I encourage the member to keep that up.
Members should listen to the indigenous organizations and work with them, changing policies if that can better their lives. We talked a lot about funding; we never have enough to meet all our needs to solve problems, but we understand that we also have to work together very hard to improve things.
161 words
- Hear!
- Rabble!
- add
- star_border
- share
- Dec/2/21 6:37:20 p.m.
- Watch
[Member spoke in Inuktitut, interpreted as follows:]
Mr. Speaker, I wish to repeat that clean water is a problem in aboriginal communities. It has been very problematic all these years. We indigenous people can no longer be discounted or written off in hopes that we disappear. We are here now, in the House of Commons. We are now persons and no longer wards of the government. We are human beings like everyone else. We are no longer referred to as wards of the state. We are human beings.
Indigenous peoples have their own governing system, which helped them survive all these years. Listen to the knowledge they have about governance and customary law. It needs to be incorporated into solving today's issues as they affect indigenous communities. I know I have to keep repeating “clean water for all indigenous communities”. I have to repeat it. This is not the first time, and I will repeat it again. I will have another chance to speak again.
I thank you, Mr. Speaker, for allowing me to speak Inuktitut. Romeo Saganash helped pave the way for me and gave me the confidence. I want to follow in his footsteps. He was my role model. I will work as hard as him too.
212 words
All Topics
- Hear!
- Rabble!
- add
- star_border
- share
- menumenu
- notificationsnotifications
- home
- mailmail
- searchsearch
